Navoiy vildoyati IIB faxriylari uchun “Keksalar haftaligi” munosabati bilan qadim va navqiron Buxoro shahriga sayohat tashkil etildi
Haftalik munosabati bilan tizimda ko‘p yillar xizmat qilgan, ayni damda nafaqa gashtini surayotgan faxriy xodimlar Buxoro viloyatiga sayohat qilishdi. Sayohat davomida ular qadim Buxoro shahrining diqqatga sazovor joylari, ko‘p yillik tarixni o‘zida aks ettiruvchi qadimiy yodgorliklarni yana bir bor ko‘rish imkoniyatiga ega bo‘ldilar. Naqshbandiya tariqati asoschilari, tasavvuf ilmining yetti buyuk vakillari sharafiga bunyod etilgan ko‘hna manzilgohlar, madrasa va maqbaralar faxriylarda katta taassurot qoldirdi.
Ichki ishlar organlarining ustoz vakillari sanalmish faxriylar uchun tashkil etilgan bu kabi sayohatlar ularning madaniy hordiq olishida, ruhiy xotirjamlik his etishlarida muhim ahamiyat kasb etadi.
Navoiy viloyati IIB Axborot xizmati
