23 May 2024 yil
1462
Navoiy viloyati IIB xodimlari koʻrish imkoniyati cheklangan bolalar uchun Alisher Navoiy istirohat bogʻiga sayohat tashkil etishdi
Mehrni juft koʻzlar emas, qalb ila his qiladigan insonlar baxtlidirlar aslida. Navoiy viloyati IIB xodimlari ham koʻrish imkoniyati cheklangan bolalar uchun ixtisoslashtirilgan Nurli maskan maktab-internati oʻquvchilari uchun Alisher Navoiy istirohat bogʻiga sayohat tashkil etishdi. Oʻquv yili yakuni munosabati bilan tashkillashtirilgan dam olish soati bolalarda katta taassurot qoldirdi. Muzqaymoq, shirinliklar va quvnoq atraksionlar bolalarning yozgi taʼtil oldidan esda qolarli kunlariga aylangani shubhasiz. Sayohatdan soʻng xodimlar bolalar bilan maroqli suhbatlashdilar, dam olish kunlarini mazmunli oʻtkazishlari, sport bilan shugʻullanishlari haqida taʼkidlashdi.
Navoiy viloyati IIB Axborot xizmati
