Jamiyatimizda yosh avlodning jismoniy va ma’naviy rivojlanishiga katta e’tibor qaratilmoqda. Taassufki, oramizda  shunday ota-onalar borki, farzandining psixologik salomatligi hamda ruhiy kechinmalariga jiddiy ahamiyat berishmaydi. Natijada bolalarning tafakkurida salbiy o‘zgarishlar kuzatiladi. Shu kabi holatlarning oldini olish maqsadida viloyat IIB Voyaga yetmaganlarga ijtimoiy-huquqiy yordam ko‘rsatish markazida saqlanayotgan yoshlar bilan psixologik trening olib borildi. Treningda yoshlarni ijodiy va intellektual salohiyatini ro‘yobga chiqarishning psixologik metodlari misollar yordamida tushuntirilib, ularning jamiyatda o‘z o‘rniga ega bo‘lishi, kasb egallashi, imkoniyatlardan unumli foydalanishi yuzasidan mutaxassis maslahati berildi.

      Mamlakatning kelajagi uchun javobgarlikni o‘z zimmasiga ola biladigan barkamol, maqsadga intiluvchan va serg‘ayrat yoshlarni tarbiyalashda bu kabi uchrashuvlarning ahamiyati katta.

Navoiy viloyati IIB Axborot xizmati