Zarafshon shahar IIB xodimlari va ularning oila a’zolari uchun teatr tomoshasi tashkil etildi
Yosh xodimlarni vatanparvarlik ruhida tarbiyalash hamda osoyishtalik yo‘lidagi xizmatlarini munosib e’tirof etish maqsadida, Zarafshon shahri IIB xodimlari ishtirokida ma’naviy-ma’rifiy tadbir tashkil etildi. Dastlab, shahar IIB boshlig‘i tomonidan xodimlarning oila a’zolari bilan davra suhbati o‘tkazilib, hududda jinoyat va huquqbuzarliklarning barvaqt oldini olish va ularni fosh etishda samarali faoliyat olib borgan bir guruh xodimlarning ota-onalariga tashakkurnomalar topshirildi. So‘ng, boshqarma shaxsiy tarkibi uchun teatrlashtirilgan “Tazarru” spektakli namoyish etildi. Teatr aktyorlari tomonidan mohirona ijro etilgan obraz va personajlar barchada katta taassurot qoldirdi.
Mazkur spektakl xodimlarning maroqli hordiq chiqarishida shuningdek, ish unumdorligini oshirishda ijobiy ta’sir etishi shubhasiz.
Navoi viloyati IIB Axborot xizmati
