IIV Navoiy akademik litseyida “Bilimlar kuni” munosabati bilan “Biz bir bo`lsak - yagona xalqmiz, birlashsak - Vatanmiz” shiori ostida tadbir tashkil etildi.

Tantanali tadbirda viloyat IIB boshlig`i o`rinbosari, podpolkovnik Shokirjon Sadikov o`quvchilarga bayram tabrigini yo`lladi.

Shuningdek, sohada ko`p yillar xizmat qilgan faxriy ustozlar ham  so`zga chiqib yoshlarga o`qishlarida muvaffaqiyatlar tiladi.

Tadbir davomida IIV Navoiy akademik litseyi o`quvchilarining ta’lim va sport sohasida erishgan natijalari, bitiruvchilarning oliy ta’lim muassasalariga kirishdagi ko`rsatkichlari hamda respublikada “Yilning eng yaxshi ta’lim muassasi-2024” ko`rik tanlovida “Eng yaxshi akademik litsey” nominasiyasi g`olibi bo`lganligi alohida e’tirof etildi.

Tadbirning badiiy qismida litsey o`quvchilari hamda xushovoz xonandalar tomonidan she’rlar, kuy va qo`shiqlar ijro etildi.

So`ngra guruhlar o`z sinfxonalarida o`quv yilining ilk sabog`ini olishga kirishdilar. Mutasaddilar hamda faxriy ustozlar o`quv xonalarida bo`lib, o`quvchilarga sharafli kasb egasi bo`lishlarida zamonaviy bilimlarni egallashlari, jismoniy tarbiya va sport bilan muntazam shug`ullanishlarini ta’kidladi.

Navoiy viloyati IIB Axborot xizmati