ИИВ Навоий академик лицейида “Билимлар куни” муносабати билан “Биз бир бўлсак - ягона халқмиз, бирлашсак - Ватанмиз” шиори остида тадбир ташкил этилди.

Тантанали тадбирда вилоят ИИБ бошлиғи ўринбосари, подполковник Шокиржон Садиков ўқувчиларга байрам табригини йўллади.

Шунингдек, соҳада кўп йиллар хизмат қилган фахрий устозлар ҳам  сўзга чиқиб ёшларга ўқишларида муваффақиятлар тилади.

Тадбир давомида ИИВ Навоий академик лицейи ўқувчиларининг таълим ва спорт соҳасида эришган натижалари, битирувчиларнинг олий таълим муассасаларига киришдаги кўрсаткичлари ҳамда республикада “Йилнинг энг яхши таълим муассаси-2024” кўрик танловида “Энг яхши академик лицей” номинацияси ғолиби бўлганлиги алоҳида эътироф этилди.

Тадбирнинг бадиий қисмида лицей ўқувчилари ҳамда хушовоз хонандалар томонидан шеърлар, куй ва қўшиқлар ижро этилди.

Сўнгра гуруҳлар ўз синфхоналарида ўқув йилининг илк сабоғини олишга киришдилар. Мутасаддилар ҳамда фахрий устозлар ўқув хоналарида бўлиб, ўқувчиларга шарафли касб эгаси бўлишларида замонавий билимларни эгаллашлари, жисмоний тарбия ва спорт билан мунтазам шуғулланишларини таъкидлади.

Навоий вилояти ИИБ Ахборот хизмати