IIV Tergov departamenti boshlig‘ining birinchi o‘rinbosari fuqarolarning sud-huquq masalalariga oid murojaatlarini tingladi
Ichki ishlar vazirligi huzuridagi Tergov departamenti
boshlig‘ining birinchi o‘rinbosari polkovnik Baxtiyor Jalolov Xatirchi tumani
aholisining sud-huquq masalalariga oid murojaatlarini o‘rgandi.
Sayyor qabul davomida, tergovga qadar tekshiruv hamda
dastlabki tergov harakatlari olib borilayotgan jinoyat ishlari va materiallar
yuzasidan murojaat qilgan 9 nafar fuqarolarning murojaatlari tinglanib,
muammolari o‘rganildi. Shundan 5 nafar fuqarolarning muammolari ijobiy hal
etilib, qonuniy yechimini topdi.
Shuningdek, Tergov departamenti boshlig‘ining
birinchi o‘rinbosari har bir murojaatni tahlil qilgan holda, qonunda
belgilangan tartibda hal etish, fuqarolarning ortiqcha ovvoragarchiliklariga
yo‘l qo‘ymaslik yuzasidan mutasaddi soha rahbarlariga aniq topshiriqlar berdi
va ularning ijrosini o‘z nazoratiga oldi.
Navoiy viloyati IIB Axborot xizmati
