Navoiy shahrida “Payshanba - profilaktika kuni” munosabati bilan targ‘ibot tadbirlari olib borildi
“Profilaktika kuni” doirasida Navoiy shahrining Xoncharbog‘ MFYda IIB xodimlari, mahalla yettiligi hamda hamkor tashkilotlar bilan birgalikda targ‘ibot-tashviqot ishlari amalga oshirildi.
Tadbir davomida aholi orasida jinoyatchilik va huquqbuzarliklarning oldini olishga, ayniqsa xotin-qizlar va yoshlar bilan bog‘liq muammolarga alohida e’tibor qaratildi. Bunda mahalla faollari bilan birgalikda nizoli va ajrim yoqasiga kelib qolgan oilalar bilan suhbatlashilib, murosaga kelindi. Shuningdek, profilaktik hisobda turuvchi va jinoyat sodir etishga moyil shaxslar hamda ishsiz yoshlar bilan ham profilaktik suhbat tashkil etilib, ularni foydali mehnatga jalb etish, bandligini ta’minlash hamda ijtimoiy-moddiy yordam ko‘rsatish ishlari amalga oshirildi.
Navoiy viloyati IIB Axborot xizmati
