Навоий шаҳрида “Пайшанба - профилактика куни” муносабати билан тарғибот тадбирлари олиб борилди
“Профилактика
куни” доирасида Навоий шаҳрининг Хончарбоғ МФЙда
ИИБ ходимлари, маҳалла еттилиги ҳамда ҳамкор ташкилотлар билан биргаликда тарғибот-ташвиқот ишлари амалга
оширилди.
Тадбир давомида
аҳоли орасида жиноятчилик ва ҳуқуқбузарликларнинг олдини олишга, айниқса
хотин-қизлар ва ёшлар билан боғлиқ муаммоларга алоҳида эътибор қаратилди. Бунда
маҳалла фаоллари билан биргаликда низоли ва ажрим ёқасига келиб қолган оилалар
билан суҳбатлашилиб, муросага келинди.
Шунингдек профилактик ҳисобда турувчи ва жиноят содир этишга мойил шахслар ҳамда ишсиз
ёшлар билан ҳам профилактик суҳбат ташкил этилиб, уларни фойдали меҳнатга жалб
этиш, бандлигини таъминлаш ҳамда ижтимоий-моддий ёрдам кўрсатиш ишлари амалга
оширилди.
Навоий вилояти ИИБ Ахборот хизмати
