Navoiy viloyat IIB faxriylari va sohaning yosh xodimlari ishtirokida "Zakovat" intellektual o‘yini o‘tkazildi
Biror bir kasb egasi yo‘qki, ustoz ko‘rib kamolga yetmagan bo‘lsa. Ularning ko‘p yillik boy amaliy tajribasi yoshlar uchun ibrat maktabidir. Viloyat IIB faxriylari va sohaning yosh xodimlari ishtirokida tashkil etilgan "Zakovat" intellektual o‘yini ham ayni shu maqsadlarga yo‘g‘rildi.
“Keksalar haftaligi” munosabati bilan tashkil etilgan mazkur o‘yinga barcha shahar-tumanlardagi faxriy va yosh xodimlardan iborat jamoalar taklif etildi. Har ikkala avlod vakillari ham olgan bilimlari va o‘qigan kitoblariga tayangan holda, tez va aniq javoblarni taqdim etishdi. Ustoz-shogirdlardan tuzilgan jamoalar ichida Navbahor tumani uchinchi, Konimex tumani ikkinchi o‘rinlarni egallagan bo‘lsa, Karmana tumani 1-o‘ringa munosib deb topildi. Gʻolib jamoalarga diplom va kitob jamlanmalari tpshirildi. Tadbir bahonasida yuz ko‘rishgan faxriylar xizmat davridagi qiziqarli voqealar va esda qolarli xotiralari bilan o‘rtoqlashdi. Yoshlar uchun yaratilgan imkoniyatlarni alohida e’tirof etib, chin vatanparvar bo‘lish er kishi uchun sharaf ekanligini ta’kidladi.
Navoiy viloyati IIB Axborot xizmati
