Navoiy viloyati IIB Maxsus vazifalarni bajaruvchi safarbarlik otryadi xodimlari ishtirokida maʼnaviy-maʼrifiy tadbir oʻtkazildi
Xalqimiz osoyishtaligini taʼminlashda ichki ishlar organlarining ajralmas boʻlagi Maxsus vazifalarni bajaruvchi safarbarlik otryadining oʻrni beqiyos. Holbuki, xavfsizlikka tahdid, jinoyatchini qoʻlga olish singari oʻta xavfli vaziyatlarda ushbu xizmat xodimlari birinchilarda boʻlib xizmatga safarbar etilishi sir emas. Mazkur soha vakillarini qoʻllab-quvvatlash maqsadida oʻtkazilgan maʼnaviy-maʼrifiy tadbirda bir guruh xodimlarning xizmati munosib eʼtirof etildi. Dastlab, chorak davomida bajarilgan ishlar sarhisob etilib jamoada erishilgan yutuqlar, yoʻl qoʻyilgan kamchiliklar boʻyicha suhbatlashildi. Tadbir yakunida Maxsus vazifalarni bajaruvchi safarbarlik otryadi xodimlari orasida respublika va xalqaro sport musobaqalarida yuqori natijalarga erishgan chempionlar taqdirlandi, yana bir guruhiga esa navbatdagi maxsus unvonlari topshirildi. Shuningdek, sohadagi uzoq yillik samarali xizmatidan soʻng bir necha ustoz xodimlarga toʻn kiydirilib, izzat-ikrom bilan nafaqaga kuzatildi.
Navoiy viloyati IIB Axborot xizmati
