Navoiy viloyati IIBda kitob yarmarkasi tashkil etildi
Kitob –ruhiyatimiz ozuqasi, u nafaqat insonni yuksaltiradi, balki dunyoni anglashda, jamiyatda o‘z yo‘lini topishda muhim ahamiyatga ega. Xodimlarning kitob mutolaasi va kitobxonlik madaniyatini yuksaltirish maqsadida, Navoiy viloyati IIBda kitoblar yarmarkasi o‘tkazildi. Ko‘rgazmadan mamlakatimizdagi yetakchi nashriyotlaridan biri “Ziyo” matbaasining 100dan ortiq ilmiy, detiktiv va badiiy kitoblari joy oldi. Yarmarka doirasida taqdim etilgan adabiyotlar, jumladan buyuk bobokalonimiz Amir Temur haqidagi kitoblar, taniqli adiblarimiz Abdulla Qodiriy, O‘tkir Hoshimov, Tohir Malik, Xudoyberdi To‘xtaboyevning asarlari xodimlarda katta qiziqish uyg‘otdi. Mazkur yarmarkada xodimlar o‘zbek va rus tillarida nashr qilingan o‘zbek va jahon adabiyotining nodir asarlarini shuningdek, farzandlari uchun bolalarbop, o‘qishli kitoblarni arzon narxlarda xarid qilish imkoniyatiga ega bo‘lishdi.
Navoiy viloyati IIB Axborot xizmati
