Navoiy viloyati IIBda navbatdagi “Ma’naviyat va ma’rifat darsi”tashkil etildi
Xodimlarni ma’naviy-ma’rifiy dunyoqarashini kengaytirish, ularni siyosiy tafsilotlardan boxabar etish maqsadida navbatdagi “Ma’naviyat va ma’rifat darsi”tashkil etildi.
Bu galgi dars mavzusi “Inson qadri uchun, el-yurt baxti uchun” deb nomlanib, oliy ta’lim muassalaridan kelgan mutaxassis pedagoglar mavzu doirasida ma’ruza qilishdi.
Jumladan, raqamli axborot-kommunikatsiya texnologiyalari va sun’iy intellekt texnologiyalarini 2030-yilga qadar rivojlantirish strategiyasi yuzasidan Navoiy Davlat konchilik va texnologiyalar universiteti professori Ilyos Qalandarov ma’ruza qildi.
So‘ng 1 dekabr - butunjahon OITSga qarshi kurash kuni munosabati bilan “OIV infeksiyasi” mavzusida viloyat OITSga qarshi kurashish markazi shifokori so‘zga chiqdi.
Tadbir davomida yangi tayinlangan sohaviy xizmat rahbarlari tanishtirildi, IIV tomonidan mukofotlangan bir guruh xodimlar taqdirlandi. Shuningdek, respublika ko‘rik tanlovida “Alvon beret”ni qo‘lga kiritgan xodimlar e’tirof etildi.
Navoiy viloyati IIB Axborot xizmati
