Keyingi yillarda xodimlarni har tomonlama qo‘llab-quvvatlash borasida Muhtaram Prezidentimiz tomonidan tizimda amalga oshirilayotgan qator islohotlar pirovardida xodimlar va ularning oilasi uchun zarur shart-sharoitlarni yaratish, ularni turar-joy bilan ta'minlash hamda bu orqali sohada xizmat samaradorligini yanada oshirish mujassam. Navoiy viloyati IIBda tashkil etilgan bu galgi tadbir ayni shu maqsadlarni o‘z ichiga oldi. 

Tadbir avvalida viloyat IIB boshlig‘i so‘zga chiqib, xodimlar uchun berilgan imkoniyatlardan unumli foydalanish, o‘z kasbiga sadoqat va mas’uliyat bilan yondashish tizim samaradorligida muhim ahamiyat kasb etishini, shuningdek, davlatimiz tomonidan xodimlarni uy-joy olishi uchun dastlabki 25 % badal pullarining to‘lab berilayotgani g‘amxo‘rlikning oliy ko‘rinishi ekanligini ta’kidladi. So‘ng o‘zining intizomi, bilim malakasi bilan soha rivojiga hissa qo‘shayotgan 14 nafar xodimlar va ularning oila a’zolariga xonadon xarid qilish uchun maxsus sertifikatlar topshirildi.

Tadbir davomida Ichki ishlar vazirining tegishli buyruq va farmoyishi bilan o‘tkazilgan “Eng yaxshi hududiy ichki ishlar bo‘limi”, “Eng yaxshi tezkor xodim”, “Eng yaxshi tergovchi”, “Eng yaxshi profilaktika inspektori”, “Eng yaxshi ekspert-kriminalist”, “Eng yaxshi ma’naviy-ma’rifiy ishlar targ‘ibotchisi”, “Eng yaxshi murabbiy”, “Eng yaxshi kitobxon” va “Eng faol faxriy xodim” ko‘rik-tanlovlarining viloyat bosqichi g‘olib va sovrindorlari taqdirlandilar. 

Navoiy viloyati IIB Axborot xizmati