Кейинги йилларда ходимларни ҳар томонлама қўллаб-қувватлаш борасида Муҳтарам Президентимиз томонидан тизимда амалга оширилаётган қатор ислоҳотлар пировардида ходимлар ва уларнинг оиласи учун зарур шарт-шароитларни яратиш, уларни турар-жой билан таъминлаш ҳамда бу орқали соҳада хизмат самарадорлигини янада ошириш мужассам. Навоий вилояти ИИБда ташкил этилган бу галги тадбир айни шу мақсадларни ўз ичига олди. 

Тадбир аввалида вилоят ИИБ бошлиғи сўзга чиқиб, ходимлар учун берилган имкониятлардан унумли фойдаланиш, ўз касбига садоқат ва масъулият билан ёндашиш тизим самарадорлигида муҳим аҳамият касб этишини, шунингдек, давлатимиз томонидан ходимларни уй-жой олиши учун дастлабки 25 % бадал пулларининг тўлаб берилаётгани ғамхўрликнинг олий кўриниши эканлигини таъкидлади. Сўнг ўзининг интизоми, билим малакаси билан соҳа ривожига ҳисса қўшаётган 14 нафар ходимлар ва уларнинг оила аъзоларига хонадон харид қилиш учун махсус сертификатлар топширилди.

Тадбир давомида Ички ишлар вазирининг тегишли буйруқ ва фармойиши билан ўтказилган “Энг яхши ҳудудий ички ишлар бўлими”, “Энг яхши тезкор ходим”, “Энг яхши терговчи”, “Энг яхши профилактика инспектори”, “Энг яхши эксперт-криминалист”, “Энг яхши маънавий-маърифий ишлар тарғиботчиси”, “Энг яхши мураббий”, “Энг яхши китобхон” ва “Энг фаол фахрий ходим” кўрик-танловларининг вилоят босқичи ғолиб ва совриндорлари тақдирландилар. 

Навоий вилояти ИИБ Ахборот хизмати