28 May 2024 yil
1570
Navoiy viloyati IIBning yosh xodimlari ishtirokida “Zakovat” intellektual oʻyini tashkil etildi
Ichki ishlar organlari xodimlari jismonan baquvvat boʻlishlari barobarida manan yetuk, ruhan sogʻlom boʻlishlari ham talab etiladi. Ular orasida sogʻlom raqobatni shakllantirish maqsadida “Besh tashabbus olimpiadasi” doirasida soha xodimlari ishtirokida “Zakovat” intellektual oʻyini tashkil etildi. Unda yosh xodimlar oʻzlari mutolaa qilgan badiiy asarlaridan tuzilgan hamda turli mantiqiy savollarga tezkorlik bilan javob berib bilimlarini namoyish etishdi.
Qizgʻin va murosasiz kechgan oʻyin natijalariga koʻra 3-oʻrin viloyat IIB jamoasiga, 2-oʻrin Qiziltepa tumani IIB jamoasiga nasib etgan boʻlsa, faxrli 1-oʻrinni Xatirchi tumani IIB jamoasi qoʻlga kiritdi.
Navoiy viloyati IIB Axborot xizmati
