Tomdi tumanida ayol tibbiyot xodimlari ishtirokida “Zakovat” intellektual o‘yini tashkil etildi
Tomdi tumani IIB HPB Xotin-qizlar masalalari bo‘yicha mas’ullari tashabbusi bilan Tibbiyot xodimlari kuni munosabati bilan “Zakovat” intellektual o‘yini tashkil etildi. O‘yinda tuman Tibbiyot birlashmasining bilimli-zukko ayol shifokorlariyu hamshiralari ishtiroki ta’minlandi.
Tadbirda tuman hokimligi vakillari so‘z olib, ishtirokchilarini bayram bilan muborakbod etdi.
Jamoa bo‘lib qatnashgan davolash bo‘limi, bolalar bo‘limi, yuqimli kasalliklar bo‘limi, tug'ruq bo‘limi, shoshilinch qabul bo‘limi, poliklinika va jarrohlik bo‘limlari o‘z bilimlarini mazkur o‘yinda sinovdan o‘tkazishdi. Savollarga tez va aniq javob bergan shoshilinch qabul bo‘limi jamoasi g‘oliblikni qo‘lga kiritdi. Mutasaddilar tomonidan ishtirokchilarga esdalik sovg‘alari topshirildi.
Navoiy viloyati IIB Axborot xizmati
