Томди туманида аёл тиббиёт ходимлари иштирокида “Заковат” интеллектуал ўйини ташкил этилди
Томди тумани ИИБ ҲПБ Хотин-қизлар масалалари бўйича масъуллари ташаббуси билан Тиббиёт ходимлари куни муносабати билан “Заковат” интеллектуал ўйини ташкил этилди. Ўйинда туман Тиббиёт бирлашмасининг билимли-зукко аёл шифокорларию ҳамширалари иштироки таъминланди.
Тадбирда туман ҳокимлиги вакиллари сўз олиб, иштирокчиларини байрам билан муборакбод этди.
Жамоа бўлиб қатнашган даволаш бўлими, болалар бўлими, юқимли касалликлар бўлими, туғруқ бўлими, шошилинч қабул бўлими, поликлиника ва жарроҳлик бўлимлари ўз билимларини мазкур ўйинда синовдан ўтказишди. Саволларга тез ва аниқ жавоб берган шошилинч қабул бўлими жамоаси ғолибликни қўлга киритди. Мутасаддилар томонидан иштирокчиларга эсдалик совғалари топширилди.
Навоий вилояти ИИБ Ахборот хизмати
