“Gender tenglik faoli” hamda “Yil ayoli” milliy tanlovi viloyat bosqichi gʻoliblari eʼlon qilindi
Maʼlumki, respublika miqyosida “Gender tenglik faoli” hamda “Yil ayoli” milliy tanlovining viloyat bosqichi boʻlib oʻdi. Tanlov orqali mamlakatimiz ijtimoiy-iqtisodiy rivojlanishiga oʻzining ulkan hissasini qoʻshib kelayotgan, yuksak maʼnaviyatli, oilada va farzand tarbiyasida ibrat, oʻzi faoliyat koʻrsatayotgan soha nufuzini oshirishda faol ishtirok etayotgan turli soha egalari boʻlgan xotin-qizlarni qoʻllab-quvvatlash maqsad qilingan. Unda 11 nominatsiyada ayollar oʻzlarining iqtidor va qobiliyatlarini namoyish etdilar. “Oʻz kasbining ustasi boʻlgan yil ayoli” nominatsiyasida viloyat IIB JXX HPB Xotin-qizlar masalalari boʻyicha katta inspektor podpolkovnik Maxliyo Mirzayeva gʻoliblikni qoʻlga kiritib respublika bosqichiga yoʻllanma oldi. Shuningdek, “Gender tenglik faoli” tanlovida “Gender tenglikni taʼminlashda eng faol xududiy davlat organi” nominatsiyasida viloyat IIB 2-oʻrinni qoʻlga kiritdi.
Navoiy viloyati IIB Axborot xizmati