Navoiy viloyati G’ozg’on shahrida viloyat IIB rahbariyatining sayyor qabuli o’tkazildi
Fuqarolarning turli mazmundagi muammolarini ular istiqomat qiladigan joylarga borib tinglash va ijobiy yechim topishi aholi bilan mutasaddi rahbarlar o'rtasidagi ishonchni o'zaro mustahkamlaydi. Ayni maqsadda Navoiy viloyati IIB rahbariyati tomonidan G’ozg’on shahrida navbatdagi ommaviy sayyor qabul tashkil etildi. Unda hudud aholisining ijtimoiy-huquqiy mazmundagi murojaatlari tinglandi.
Mas'ullar tomonidan har bir murojaat atroflicha o’rganilib, aksaryatiga shu joyning o’zida yechim topildi, ba’zi murojaatlar yuzasidan esa huquqiy tushuntirishlar berildi hamda qayta o’rganilishi alohida nazoratga olindi.
Bu kabi ommaviy sayyor qabullar fuqarolarni qiynab kelayotgan muammolarni o’z vaqtida ijobiy hal etilayotganligi hamda ularning ertangi kunga bo’lgan ishonchini yanada mustahkamlayotgani bilan ahamiyatli.
Navoiy viloyati IIB Axborot xizmati
