Навоий вилояти Ғозғон шаҳрида вилоят ИИБ раҳбариятининг сайёр қабули ўтказилди
Фуқароларнинг турли мазмундаги муаммоларини улар истиқомат қиладиган жойларга бориб тинглаш ва ижобий ечим топиши аҳоли билан мутасадди раҳбарлар ўртасидаги ишончни ўзаро мустаҳкамлайди. Айни мақсадда Навоий вилояти ИИБ раҳбарияти томонидан Ғозғон шаҳрида навбатдаги оммавий сайёр қабул ташкил этилди. Унда ҳудуд аҳолисининг ижтимоий-ҳуқуқий мазмундаги мурожаатлари тингланди.
Масъуллар томонидан ҳар бир мурожаат атрофлича ўрганилиб, аксарятига шу жойнинг ўзида ечим топилди, баъзи мурожаатлар юзасидан эса ҳуқуқий тушунтиришлар берилди ҳамда қайта ўрганилиши алоҳида назоратга олинди.
Бу каби оммавий сайёр қабуллар фуқароларни қийнаб келаётган муаммоларни ўз вақтида ижобий ҳал этилаётганлиги ҳамда уларнинг эртанги кунга бўлган ишончини янада мустаҳкамлаётгани билан аҳамиятли.
