Konimex tumani IIBda “Jismoniy va jangovar tayyorgarlik oyligi” doirasida oʻquv mashgʻulotlari oʻtkazildi
Navoiy viloyati Konimex tumani IIB xodimlarining jangovar shaylik va jismoniy tayyorgarlik darajasini oshirish maqsadida maxsus oʻquv mashgʻulotlari tashkil etildi. Mashgʻulotlarda ommaviy tartibsizlikni bartaraf qilish, kundalik xizmatda hamda jangovar vaziyatlarda qoʻllaniladigan maxsus vositalar va ulardan foydalanish tartibi, shuningdek maxsus transport vositalari va oʻqotar qurollar, zararsizlantirish qurilmalari haqida toʻliq maʼlumot berildi. Shu bilan birga “Kalashnikov” avtomati va “Makarov” pistoletlarining taktik texnik xususiyatlari, qurollarni notoʻliq qismlarga ajratish va yigʻish boʻyicha malakalari oshirildi. Amaliyot soʻngida yakuniy sinov mashgʻulotlari tashkil qilinib, xodimlarning jismoniy-jangovar tayyorgarligi koʻzdan kechirildi.
Navoiy
viloyati IIB Axborot xizmati
