Navoida IIB xodimlari ishtirokida “Zakovat” intellektual oʻyini tashkil etildi
Kitob oʻqish inson
uchun muvaffaqiyat va saodat eshiklarini ochuvchi kalitdir. Ilm izlash, kitob,
gazeta va jurnallarni mutolaa qilish kishining dunyoqarashini kengaytiradi,
ruhiy barkamollik hissini beradi. Har sohada muloqot kirishuvchanligi
qobiliyatini rivojlantirish maqsadida Navoiy viloyati IIB tarkibiy va hududiy
tuzilmalarida xizmat qilib kelayotgan xodimlar oʻrtasida “Zakovat”
intelektual oʻyini oʻtkazildi.
Xodimlardan iborat 11 ta jamoa “Zakovat intellektual
klubi” Nodavlat-notijorat tashkiloti tomonidan taqdim etilgan savollaga aniq va
asosli ravishda javob berishdi.
Keskin va murosasiz
oʻtgan tanlov natijalariga koʻra Xatirchi tumani Ichki ishlar boʻlimi jamoasi
faxrli 1-oʻrinni, Konimex tumani Ichki ishlar boʻlimi jamoasi 2-oʻrinni hamda
Qiziltepa tumani Ichki ishlar boʻlimi jamoasi 3-oʻrinni egallashdi. Tanlov
gʻoliblari diplom va pul mukofotlari bilan taqdirlandi. Shuningdek, taqdirlash marosimi yakunida
Navoiy viloyati Maʼnaviyat va maʼrifat boʻlimi boshligʻi A.Muqimov soʻzga
chiqib tadbir ishtirokchilari hamda gʻoliblarni samimiy muborakbod etdi hamda
Ichki ishlar organlarida amalga oshirilayotgan maʼnaviy-marifiy islohotlar
taxsinga sazovor ekanligini taʼkidlab oʻtdi.
Navoiy viloyati IIB
Axborot xizmati
