29 Mart 2025 yil
699
Navoiy viloyat IIB boshlig‘i fuqarolar murojaatlarini tingladi
Har bir murojaat ortida inson taqdiri, uning qadr-qimmati yotadi. Shu boisdan, ularga mas’uliyat va e’tibor bilan yondashish davlat organlari uchun ustuvor vazifalardan biridir. Fuqarolar murojaatlarini tinglash va hal etish maqsadida viloyat ichki ishlar boshqarmasi boshlig‘i navbatdagi shaxsiy qabulini o‘tkazdi. Unda shahar va tumanlardan kelgan fuqarolar o‘z muammo va murojaatlari bilan qatnashdi.
Qabul davomida murojaatlar asosan ishga joylashish, huquqni muhofaza qilish organlari faoliyati, jinoyatchilikning oldini olish hamda shaxsiy masalalarga oid bo‘ldi. Har bir fuqaroning murojaati alohida eshitilib, tegishliligi bo‘yicha rahbar va mas’ullarga yo‘naltirildi.
Navoiy viloyati IIB Axborot xizmati
