“Ichki ishlar organlarida dastlabki sinov muddatini oʻtash va murabbiylik faoliyatini tubdan takomillashtirish chora-tadbirlari toʻgʻrisida”gi buyruq ijrosini taʼminlash maqsadida Navoiy viloyati Ichki ishlar organlarida “Yilning eng yaxshi murabbiyi” koʻrik-tanlovi oʻtkazildi. Mazkur koʻrik-tanlovda murabbiylar jismoniy tayyorgarlik, bilim darajasini aniqlashga qaratilgan elektron test,  individual psixologik holatlari boʻyicha sinovlardan oʻtishdi. Shartlar soʻngida ishtirokchilar bilan yakka tartibda suhbat olib borilib xizmat intizomi va qonunchilikda belgilangan meʼyorlar boʻyicha savol-javob qilindi. Qizgʻin va murosasiz kechgan koʻrik-tanlov natijalariga koʻra 3-oʻrinni boshqarma Tezkor vazifalarni bajaruvchi safarbarlik otryadi katta mutaxassis-feldsheri katta serjant Bobir Saidov, 2-oʻrinni Navoiy viloyati IIB JXX JTSB boʻlinmalari Maʼmuriy qamoqxona boshligʻining oʻrinbosari podpolkovnik Ulugʻbek Toshnazarovlar egalladi. 

 Faxrli 1-oʻrin Zarafshon shahar IIB huzuridagi Tergov guruhi tergovchisi kapitan Nizomjon Karimovga nasib etdi va tanlovning respublika bosqichiga yoʻllanmani qoʻlga kiritdi.

Navoiy viloyati IIB Axborot xizmati