Navoiy viloyati IIB, Prokuraturisi va Milliy Gvardiya boshqarmasida hududlarda huquqbuzarliklarni oldini olish va jinoyatchilikka qarshi kurashish holati hamda bu boradagi ustuvor vazifalarni belgilash yuzasidan oʻquv mashgʻuloti olib borildi
Ichki
ishlar xodimlarini jismonan baquvvat boʻlishi barobarida maʼnan yetuk va ruhan
barkamol boʻlishining ahamiyati katta. Binobarin, respublika miqyosida bu borada qator
islohotlar amalga oshirilmoqda.
Davlatimiz rahbarining 2023-yilning 28-iyul kuni “Hududlarda
huquqbuzarliklarni oldini olish va jinoyatchilikka qarshi kurashish holati
hamda bu boradagi ustuvor vazifalar”ga bagʻishlangan videoselektor yigʻilishida
berilgan topshiriqlar ijrosini taʼminlash maqsadida Navoiy viloyatiga tashrif
buyurgan IIV Akademiyasining professor-oʻqituvchilaridan iborat ishchi guruh,
xodimlar uchun oʻquv mashgʻulotlari tashkil etishdi. Jinoyatchilikka qarshi
kurashish va huquqbuzarliklar profilaktikasini tashkil etishda osoyishtalik
posbonlarini bilim va koʻnikmalarini oshirish borasidagi mazkur oʻquvda hudud kriminogen
vaziyatidan kelib chiqib ish koʻrish, fuqarolar bilan targʻibot tadbirlarini
muntazam tashkil qilish, tungi xizmatda nazoratni kuchaytirish borasida zarur
tavsiyalar berildi. Shuningdek, shu kuni
xodimlar va ularning ota-onalari bilan uchrashuv ham tashkil etilib oʻzining
naʼmunali xizmati, tartib intizomi bilan sohaga munosib hissa qoʻshgan
xodimlarning ota-onalariga II vazirining tashakkurnomalari taqdim etildi.
Mazkur qoʻshma qaror ijrosini taʼminlash boʻyicha uchrashuvlar viloyat Prokurotura xodimlari bilan ham
tashkil etildi. Boʻlib oʻtgan yigʻilish hududda jinoyatchilikka qarshi
kurashishda yoʻl harakati xavfsizligi qoidalariga rioya etish chora-tabirlarini
isloh qilish, harakatni kuzatuvchi
kameralar nazoratini kuchaytirish, yoʻl chiroqlari va maxsus belgilarni
takomillashtirish boʻyicha muhim tavsiyalar berilib, firibgarlik, oʻzgalar
mulkini talon-taroj qilish, oʻgʻirlik va ogʻir hamda oʻta ogʻir turdagi
jinoyatlarni sodir etilishaga zamin yaratayotgan omillarni oʻz vaqtida aniqlab
bartaraf etish yuzasidan aniq chora-tadbirlarni belgilash borasida kelishib
olindi. Milliy gvardiya harbiy xizmatchilari bilan uchrashuv davomida ichki
ishlar organlari xodimlari bilan hamkorlikni kuchaytirish, jinoyatchilikni
jilovlash va uni issiq izida fosh etish, fuqarolar bilan targʻibot-tashviqot
ishlarini olib borish borasidagi ishlarni yanada samarali tashkil etish
lozimligi tushuntirilib, bu boradagi xalqaro tajribalardan misollar keltirildi.
Navoiy
viloyati IIB Axborot xizmati