Navoiy viloyati IIBda “Ochiq eshiklar kuni” tashkil etildi
“Jismoniy va jangovar
tayyorgarlik oyligi” doirasida Navoiy viloyati IIBda “Ochiq eshiklar kuni”
tashkil etilib unda IIV Navoiy akademik litseyi
oʻquvchlari va oʻqituvchilaridan iborat jamoa ishtirok etdi. Tadbirda
oʻquvchilar Maʼnaviy-maʼrifiy ishlar va kadrlar bilan taʼminlash xizmati
binosidagi vatanparvarlik burchagi hamda ichki ishlar organlarining shonli
tarixi, kechasi va buguni aks etgan muzey va kutubxona faoliyati bilan
tanishdi. Kun munosabati bilan
tayyorlangan oʻqotar qurollar, maxsus texnika va vositalardan iborat koʻrgazma
oʻquvchilarda katta taassurot qoldirdi. Tadbir davomida oʻquvchilar
Navbatchilik qismida tashkil etilgan “102” xizmati hamda situatsion markazida
boʻlishib, markaz faoliyati, jinoyat va huquqbuzarliklarning oldini olishda
hamda ularni fosh etishda ushbu xizmatning ahamiyati haqida tushunchalar berildi.
Navoiy viloyati IIB Axborot xizmati
