Navoiy viloyati IIBda  “Jadidlar,  milliy oʻzlik, istiqlol va davlatchilik gʻoyalari” mavzusida maʼnaviyat-maʼrifat darsi tashkil etildi. Tadbirda dastavval,  viloyat IIB boshligʻi oʻrinbosari podpolkovnik Shokirjon Salamjonovich Sadikov soʻzga chiqib tadbirning mazmun-mohiyati, xodimlar uchun tarixni chuqur oʻrganish zarurati haqida soʻzladi.  Jarayonda,  mahallalarda huquqqiy targʻibotlarni olib borishda, jinoyat va huquqbuzarliklarga qarshi kurashishda faollik koʻrsatgan bir guruh xodimlar Ichki ishlar vazirining  “Benuqson xizmatlari uchun” koʻkrak nishoni  hamda  esdalik qoʻl soati  bilan taqdirlandi. Shuningdek, ichki ishlar organlarida yoshlarga oid davlat siyosatini amalga oshirishda faol ishtirok etgan xodimlar ham eʼtirof etilib faxriy yorliq va esdalik sovgʻalari bilan mukofotlandi.  Tadbirda mehmon sifatida ishtirok etgan Sanoat energetika guruhi xorijiy kompaniyasining Navoiy viloyati filiali vakili ham xodimlarning jinoyatchilikni oldini olish yoʻlidagi munosib hamkorligi uchun  oʻz minnatdorchiligini bildirdi.

Kun tartibiga binoan  jadidlar harakati va ularning millatimiz maʼnaviyati va maʼrifatiga qoʻshgan hissasi toʻgʻrisida  maʼlumot berish uchun maʼruzagoh qarshisiga Navoiy davlat pedagogika instituti oʻzbek  tili va adabiyoti fakulteti dekani Qilich Bozorov taklif etildi va tadbir ishtirokchilariga mavzu doirasidagi maʼlumotlar yetkazildi.

Navoiy viloyati IIB Axborot xizmati