Navoiyda “Dolzarb 40 kunlik” profilaktik tadbiri doirasida tungi reyd tadbirlari amalga oshirilmoqda
Ichki ishlar organlarida joriy yilning 20-noyabr kunidan 30-dekabr kuniga qadar Respublika miqyosida korxona-tashkilotlar, jamoat uyushmalari va ta’lim muassasalari bilan hamkorlikda “Dolzarb 40 kunlik" keng ko'lamli tadbir o‘tkazilmoqda.
Shundan kelib chiqib, Navoiyda
viloyat Prokuraturasi va Ichki ishlar boshqarmasi rahbariyati tomonidan
tungi xizmatga jalb etilgan xodimlar bilan xizmat oldi yo‘riqnomasi o‘tkazilib,
hududlarda tungi xizmatga jalb etilgan xodimlarga kriminogen vaziyatni
barqarorlashtirish, huquqbuzarliklarni oldini olish hamda jinoyatchilikka
qarshi kurashish, fuqarolar osoyishtaligini ta’minlash, yo‘l-transport
hodisalarining barvaqt oldini olishda amalga oshirilishi lozim bo‘lgan aniq
vazifalar yuklatildi. Mas’ullar boshchiligida viloyat
hududida barcha yo'nalishlarda profilaktik tadbirlar amalga oshirilib, tungi
vaqtda maqsadsiz va nazoratsiz yurgan voyaga yetmagan fuqarolar, xotin-qizlar
hamda shubhali shaxslar, shuningdek qo'pol turdagi qoidabuzarlik sodir etgan
harakat ishtirokchilari bilan tushuntirish ishlari amalga oshirilmoqda. Ayniqsa,
"Qizil" toifaga kiruvchi mahallalarda nazorat kuchaytirilib,
haydovchilarning hujjatlari bilan bir qatorda transport vositalari ham ko'zdan
kechilmoqda.
Bu kabi
profilaktik tadbirlar viloyatning barcha hududlarida davom etmoqda.
Navoiy viloyati IIB Axborot xizmati
