Navoiyda xotin-qizlar masalalari boʻyicha katta inspektor hamda inspektor-psixologlar uchun oʻquv mashgʻuloti tashkil etildi
Oʻzbekiston
Respublikasi IIVning 2023-yil 30-oktyabr kunidagi 320-sonli farmoyishiga asosan
IIOda xizmat olib borayotgan huquqbuzarliklar profilaktikasi boʻlimlari
faoliyatini yanada takomillashtirish, shuningdek, ularning kasbiy bilim va
koʻnikmalarini oshirish yuzasidan Markaziy harbiy okrugining Navoiy shahridagi
523 safarbarlik rezervi batalyonida ixtisoslashtirilgan oʻquv-amaliy kurslari
tashkil etildi.
6 kunga
moʻljallangan oʻquv mashgʻulotiga barcha shahar va tumanlarda faoliyat olib
borayotgan xotin-qizlar masalalari boʻyicha katta inspektor hamda
inspektor-psixologlar jalb qilindi. Oʻquvda xotin-qizlar va voyaga yetmaganlar
bilan bevosita bogʻliq boʻlgan, jamiyatda tez-tez guvohi boʻlayotgan muammolar
yuzasidan turli soha vakillaridan iborat mutaxassislar tomonidan tahliliy va
ochiq munozaralar tashkil etildi. Shuningdek, oʻquvda davlatimiz rahbari va
vazirliklar tomonidan qabul qilingan qaror, farmon va buyrugʻlar boʻyicha
ishlash va ularning mazmun-mohiyati, mexanizmi yuzasidan tushunchalar berildi.
Inspektor-psixologlarga
voyaga yetmaganlar bilan muloqot qilish psixologiyasi, turli vaziyatlarda oʻzni
boshqarish, stress va agressiv holatlarni yengillashtirish shuningdek
ijtimoiy-huquqiy yordam berish mexanizmlari boʻyicha amaliy mashgʻulotlar tashkil
etildi.
Jinoyat va
huquqbuzarliklarga sharoit yaratuvchi omillarni barvaqt aniqlash shuningdek,
sodir etishga moyil shaxslar bilan olib boriladigan ishlar samaradorligini
oshirish borasida tashkil etilgan shu kabi oʻquv darslari kelgusida soha
vakillari uchun dasturul amal boʻlib xizmat qilishi shubhasiz.
Navoiy
viloyati IIB Axborot xizmati
