Navoiyda IIV akademik litseyi oʻquvchilari ishtirokida oʻzbek tiliga davlat tili maqomi berilganligining 34 yilligi munosabati bilan badiiy kechalar tashkil etildi
IIV
Navoiy akademik litseyida oʻzbek tiliga davlat tili maqomi
berilganligining 34 yilligi munosabati bilan “Tilga eʼtibor-elga eʼtibor”
mavzusida maʼnaviy-maʼrifiy tadbirlar oʻtkazildi.
Tadbirda
Navoiy davlat pedagogika institutining malakali professor va filologlari hamda
viloyat Axborot kutubxona markazi xodimlari soʻzga chiqib ona tilimizga
qaratilayotgan eʼtibor, yoshlarimizni milliy qadriyatlarimizga munosabatlari
haqida soʻzladilar. Shuningdek, ajdodlarimizdan bizga oʻtib kelayotgan ona
tilimizni chetdan kirib kelayotgan yot soʻzlardan himoya qilish, uning ravnaqi
va istiqboli haqida qaygʻurish – bu millatning oʻzligini anglash ekanligini
taʼkidlab oʻtdilar.
Tadbirda
oʻquvchilar tomonidan ona tilimizga
hamda maʼnaviy qadriyatlarimizgaboʻlgan buyuk ehtiromini talqin etuvchi sheʼrlar va qoʻshiqlar ijro
etildi, sahna koʻrinishlari namoyish qilindi. Bu kabi tadbirlarning yoshlar
huzurida tashkil etilgani ayni muddao, boisi kelgusida ularni ona tilimiz
ravnaqi yoʻlida xizmat qilishi, vatanparvar, fidoiy shaxs boʻlib
yetishishlarida ahamiyati katta.
Navoiy
viloyati IIB Axborot xizmati
