Navoiyda oʻquvchilar 7532-harbiy qismda tashkil etilgan “Ochiq eshiklar kuni”da ishtirok etishdi
Oʻzbekiston
Respublikasi IIV Navoiy akademik litseyi oʻquvchilari IIV Qorovul qoʻshinlari 7532-harbiy qismda
tashkil etilgan “Ochiq eshiklar kuni” tadbirida faol ishtirok etishdi.
Oʻquvchilar orkestr sadolari ostida tantanali kutib olindi. Shu kuni litsey
oʻquvchilari bilan birga tashrif buyurishgan “Beruniy”- nomli umumtaʼlim maktabi
oʻquvchilari ham harbiy qism hayoti aks etgan muhitdan bahra olishdi. Xususan
tadbir davomida oʻquvchilar harbiy texnikalar, jangovar qurollar, maxsus
vositalar, harbiy qism hayoti, harbiy xizmatchilar uchun yaratib berilgan
shart-sharoitlar, oshxona, yotoqxona, kutubxona, sport zallari bilan yaqindan
tanishdilar. Shuningdek, harbiy-jangovarlik mashgʻulotlaridan naʼmunalar
oʻquvchi-yoshlarda katta qiziqish uygʻotdi.
Harbiy
qism rahbariyati oʻquvchilarga yurtimizda yoshlarga qaratilayotgan eʼtibor, ularni har tomonlama bilimli, haqiqiy vatanparvar
yetuk inson qilib tarbiyalash, borasida olib borilayotgan ishlar toʻgʻrisida
gapirib, oʻquvchilarning chuqur bilimlarni egallab, kelgusida mamlakatimiz
tinchligi va farovonligi, xalqimiz osoyishtalagini taʼminlashga qodir
ofitserlar boʻlib yetishishida ishonch bildirdi.
Tadbirning
ikkinchi qismida “Beruniy”- nomli
umumtaʼlim maktabi, IIV akademik ditseyi va harbiy xizmatchilar jamoalari
oʻrtasida “Zakovat” musobaqasi oʻtkazildi.
Ushbu musobaqada IIV Navoiy akademik litseyi jamoasi gʻolib
boʻldilar.
Navoiy viloyati IIB Axborot xizmati
