Navoiyda viloyat IIB boshligʻi oʻrinbosari podpolkovnik Sh.Sharipov uchquduqlik fuqarolar murojaatlarini oʻrgandi
Aholi murojaatlarini
oʻrganish bugun har bir rahbar oldidagi dolzarb vazifa sanaladi. Binobarin,
viloyat IIB boshligʻi oʻrinbosari ish reja taqsimotiga koʻra Uchquduq tumani fuqarolari bilan uchrashib
muammolari yuzasidan suhbatlashdi. Uchrashuv davomida 10ga yaqin yechimtalab
masalalar hamkor mutasaddilar bilan birgalikda oʻrganilib 6 nafari ijobiy hal
etildi. Aksariyatlariga huquqiy yoʻnalish berilib bajrilishi nazoratga olindi.
Chunonchi, Iftixor
mahallasida istiqomat qilayotgan Aljanova Karjigul betobligi sabab
dori-darmonlarga moddiy imkoniyati yetmayotganini maʼlum qildi. Jarayonda opaga
saxovat va koʻmak jamgʻarmasi hisobidan bir martalik moddiy yordam ajratildi.
Mustaqillik mahallasida yashovchi Murodjon Qurbonov ishga kirish masalasida
murojaat etdi. Unga ham kambagʻallikni qisqartirish va bandlik bosh boshqarmasi
tomonidan bir necha ish oʻrinlari taklif etili, tez orada bandligi
taʼminlanishi aytildi.
Navoiy
viloyati IIB Axborot xizmati