Navoiy viloyati Ichki ishlar boshqarmasi boshligʻining navoiylik fuqarolarga murojaati
Assalomu
alaykum, hurmatli navoiyliklar!
Barchamizga
yaxshi maʼlumki, har qanday mamlakatning
taraqqiy etishida osoyishtalik va xavfsizlikni taʼminlanganligi shuningdek,
jinoyatchilikni jilovlash borasidagi ishlarning samaradorligi muhim
hisoblanadi.
Davlatimiz
rahbari Shavkat Miromonovich Mirziyoyev taʼbiri bilan aytganda, “Aslida bitta
boʻlsa ham jinoyat boʻlgani hammamizni tashvishga solishi kerak”.
Biroq
afsuslar boʻlsinki, jamiyatimizda fuqarolarimizning huquqiy ongi, huquqiy
bilimlarini oshirmasdan turib, ularning koʻmagisiz, faqatgina huquqni muhofaza
qiluvchi organlarining bu boradagi harakatlari samarasiz boʻlishi aniq.
Tahlillarga
koʻra, joriy yilning 9 oyi davomida viloyatda sodir etilgan jami jinoyatlarning
toʻrtdan bir qismini aynan oʻgʻirlik va firibgarlik jinoyatlari tashkil etgan.
Oʻgʻirliklarning
koʻp qismini xonadon oʻgʻirliklari, chorva mollari oʻgʻirliklari hamda axborot
texnologiyalari orqali sodir etilgan oʻgʻirliklar tashkil qiladi.
Xuddi shu
kabi firibgarliklarning katta qismi kredit olib berish, uy-joy savdosi, chorva
hayvonlarini sotish va soʻyib berish, ishga va oʻqishga kiritib qoʻyishni vaʼda
qilish orqali sodir etilgan.
Shulardan
kelib chiqib, viloyatimiz fuqarolaridan shaxsiy mol-mulklariga yanada ehtiyot
boʻlishlarini, ularni oʻgʻirlanishi uchun shart-sharoit yaratib
bermasliklarini;
Shuningdek,
hozirgi kunda asosan ijtimoiy tarmoqlar yordamida sodir etilayotgan kiberjinoyatlardan
ogoh boʻlishlarini;
Shaxsiy va
bank kartasi haqidagi maʼlumotlarni hech kimga oshkor qilmasliklarini;
Moddiy
manfaatdor qilish evaziga ishga va oʻqishga kiritib qoʻyish, kredit olib
berish, uy-joy va avtotransport vositalarini sotish yoki sotib olib berishni
vaʼda qilayotgan shaxslarning aldovlariga uchmasliklarini;
Shubhali
tuyulgan shaxslar haqida oʻz vaqtida “102” raqami orqali Ichki ishlar
organlariga xabar berishlarini soʻraymiz!
Navoiy viloyati IIB boshligʻi polkovnik A.D.Tasbayev
