Navoiyning olis Tomdi tumanida xotin-qizlar jinoyatchiligiga qarshi kurashish boʻyicha targʻibot tadbirlari tashkil etildi
“Xotin-qizlar
jinoyatchiligini oldini olish va huquqbuzarliklar profilaktikasi” kuni
munosabati bilan Sharq” ovul fuqarolar yigʻinida xotin-qizlar oʻrtasida davra
suhbati oʻtkazildi. Unda xotin-qizlar huquqlari davlat himoyasidagi ekanligi,
tazyiq va zoʻravonlikdan himoya qilish, shuningdek, ona va bolaning
konstitutsiyaviy normalari batafsil tushuntirildi.
Ming
afsuski, ayni paytda koʻp uchrayotgan ayollar va bolalarga nisbatan zoʻravonlik
va turli koʻrinishdagi tazyiqlarga qarshi kurashish bunga esa mahalla ahlini,
yoshi katta onaxonlarni jalb qilish toʻgʻrisida soʻz bordi. Shuningdek,
xotin-qizlar ishtirokidagi jinoyatlarni oldini olish, kelib chiqish sabab va
omillarini bartaraf etish boʻyicha
targʻibot tadbirlari ham tashkil etildi. Shu kuni xotin-qizlar masalalari
boʻyicha masʼullar ijtimoiy, tibbiy
himoyaga muhtoj ayollar holidan xabar olindi. Muammolari oʻrganilib,
ularning yechimi boʻyicha taqdimnomalar kiritildi.
Navoiy viloyati IIB Axborot xizmati