Navoiy viloyati IIB boshligʻi polkovnik A.Tasbayev Nurota tumanining Qadoq MFY istiqomat qiluvchi fuqarolarning murojaatlarini tingladi
“Vatanga
va xalqqa sadoqat bilan xizmat qilish oliy burchimizdir” konseptual gʻoyasi
ayni paytda ichki ishlar organlarining xizmat faoliyati davomida dasturul amal
boʻlib kelmoqda. Fuqarolarning murojaatlarini sektorlar kesimida oʻrganib imkon
qadar ijobiy hal qilish amaliyoti mana necha yildirki koʻplab insonlarning
ogʻirini yengil, mushkulini oson boʻlishiga sabab boʻlmoqda.
Navoiy
viloyati IIB boshligʻining Nurota tumani Qadoq MFYda 25ga yaqin inson tibbiy muolaja, ishsizlik, taʼlim
shartnoma toʻlovini toʻlanishiga amaliy yordam berish, ichki yoʻllarni
shagʻallashtirish va boshqa bir qator yoʻnalishlardagi murojaatlari tinglandi.
Xususan, Nafisa Mahmudova turmush oʻrtogʻining jigar kasalligiga chalinganligi
sababli dori-darmon olishida moddiy yordam ajratilishi masalasida murojaat
qildi. Nafisaxonning iltimosini tinglar ekan viloyat IIB boshligʻi polkovnik
A.Tasbayev dori-darmonlarni tegishli manbalar hisobidan olib berilishini maʼlum
qildi.
Kamoliddin
Normatov esa onasiga nogironlik aravachali olishda yordam berilishini soʻradi.
Uning ham murojaati Nurota tumani hokimining xotin-qizlar masalasi boʻyicha
oʻrinbosari bilan hamkorlikda tez fursatlarda ijobiy hal etiladigan boʻldi.
Barcha
murojaatlar nazoratga olinib, ayrim masalalar joyida hal etildi, muddat talab
qilingan murojaatlar yuzasidan tegishli maʼsul rahbarlarga ularni ijobiy hal
etish boʻyicha koʻrsatma va topshiriqlar berildi.
Navoiy
viloyati IIB Axborot xizmati
