Oylik doirasida Navoiy shahar IIB, Karmana tumani IIB xodimlari hamda IIV Navoiy akademik litseyi oʻquvchilari ishtirokida uch avlod uchrashuvi tashkil etildi
Tarix,
bugun va kelajakni oʻzida mujassam etgan uch avlod uchrashuvi kabi maʼnaviy-maʼrifiy tadbirlarning oʻtkazilishi
ichki ishlar tizimida ham anʼanaga aylangan. Mazkur anʼanaga binoan “Jismoniy
va jangovar tayyorgarlik oyligi” doirasida Navoiy shahar IIB, Karmana tumani
IIB xodimlari hamda IIV Navoiy akademik litseyi oʻquvchilari shuningdek, soha
faxriylari ishtirokida uch avlod uchrashuvi tashkil etildi. Tadbirda koʻpni
koʻrgan faxriy ustozlarimiz hayoti va mehnat
faoliyati davomida toʻplagan boy tajribasi, yoshlik davridagi oʻziga xos
qiyinchiliklar, mehnat pallasidagi mashaqqatlar, nihoyat nafaqa paytida
koʻrsatilayotgan hurmat-ehtirom haqida oʻz dil soʻzlarini, samimiy fikrlarini
bildirdi.El-yurt ravnaqi yoʻlida kuch-gʻayratini safarbar etish, xalqqa yaqin
koʻmakchi, kamarbasta boʻlish lozimligi uch avlodga mansub xodimlarimiz
oʻrtasida kechgan samimiy suhbatlarning bosh mavzusiga aylandi. Bu kabi
tadbirlar xodimlarni sidqidildan xizmat qilishga, oʻsib kelayotgan yosh avlodni
vatanparvarlik ruhida tarbiyalashda katta ahamiyat kasb etadi.
Navoiy viloyati IIB Axborot xizmati
