Oylik munosabati bilan IIV Navoiy akademik litseyi oʻquvchilari uchun mahorat mashgʻuloti tashkid etildi
“Jismoniy va jangovar tayyorgarlik oyligi” doirasida Navoiy viloyati IIB Ekspert kriminalistika markazi va TVBSO xodimlari tomonidan mahorat darslari va maxsus vositalar hamda oʻqotar qurollar koʻrgazmasi tashkil etildi. Tadbir davomida ekspertlar tomonidan oʻquvchilarga ekspert-kriminalistika faoliyatiga oid tushunchalar yetkazildi. Markaz faoliyati, kriminalistika, sud dalillarini yigʻish, tadqiq etish va ulardan foydalanish, tele, radio, ovoz, tasvir, yozuv, kompyuter vositalari va boshqalardan keng foydalanish, kriminalistika texnikasi qidiruv va tergov faoliyatida texnik qurollar, maxsus apparatlar, jihozlardan foydalanish boʻyicha maʼlumotlar berildi. Shuningdek, TVBSO xodimlari tomonidan oʻquvchilarga oʻqotar qurollar, maxsus vositalar boʻyicha koʻrgazma namoyish etildi.
Navoiy viloyati IIB Axborot xizmati
