Viloyat IIBda fuqarolar murojaatlari tinglandi
Viloyat ichki ishlar boshqarmasida fuqarolar murojaatlarini o‘rganish va ularni ijobiy hal etishga qaratilgan navbatdagi qabul o‘tkazildi. Unda IIB rahbariyati, mas’ul xodimlar ishtirok etib, pasport va ro‘yxatga olish, ishga joylashish, jamoat tartibi va yo‘l harakati xavfsizligini ta’minlash hamda mahallalarda xavfsiz muhitni yaratishga doir 10 ga yaqin taklif va murojaatlarni ko‘rib chiqdi.
Aholini qiynab kelayotgan ayrim muammolar joyida hal etildi. Tegishli idora va tashkilotlar bilan hamkorlikda ko‘rib chiqilishi lozim bo‘lganlari esa alohida nazoratga olindi. Bu kabi qabullarning doimiy o‘tkazilishi fuqarolarning muammolarini o‘z vaqtida hal etish bilan bir qatorda xalq va davlat o‘rtasida o‘zaro ishonchni mustahkamlashga xizmat qiladi. Qabullar davom etadi.
Navoiy viloyati IIB Axborot xizmati
