Navoiy viloyati prokurori Abduqahhor Mullajanov hamda viloyat ichki ishlar boshqarmasi boshlig‘i Azat Tasbayevning hamkorlikdagi navbatdagi o'rganishlari Xatirchi tumanida bo'lib o'tdi. Dastlab, mas'ullar tumanning "Payariq" MFYda bo'lib, O'zbekiston Respublikasi Prezidentining "2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo'yicha chora-tadbirlar" to'g'risidagi qarori ijrosini ta'minlashga qaratilgan ishlar bilan tanishib, qizil toifaga kiruvchi mahallalar yettiligi bilan uchrashdi. Jarayonda mahalla yettiligini qiynab kelayotgan mavjud mauammolari tinglanib, bartaraf etish choralari ko'rildi. 

  Jinoyat va huquqbuzarliklarning barvaqt oldini olish borasidagi amaliy tajribalar hamda yo'l qo'yilgan kamchiliklarga alohida to'xtalinib, kriminogen vaziyatni yaxshilashga doir muhim tavsiya va yo'riqnomalar berildi. Shundan so'ng ishchi guruh o'z o'rganishlarini tumandagi "Orzu" fermer xo'jaligi dala maydonlarini ko'zdan kechirish bilan davom ettirib, tashkil etilgan qishloq xo'jaligi seminarida ham ishtirok etdi. Xitoy davlatidan olib kelingan so'nggi rusumdagi qishloq xo'jaligi texnikalari hamda paxta ekish uchun ko'rilayotgan tayyorgarlik ishlari bilan ham yaqindan tanishdi.

    O‘rganishlar hududlar bo‘ylab davom etmoqda.

         Navoiy viloyati IIB Axborot xizmati