Jismoniy va jangovar tayyorgarlik oyligi doirasida Qiziltepa tumanida futbol musobaqasi tashkil etildi
“Jismoniy va jangovar tayyorgarlik oyligi” davomida
xodimlarning kasbiy malakasi hamda koʻnikmalarini yanada oshirish jismoniy
madaniyatini shakllantirish maqsadida Qiziltepa tumanidagi huquqni muhofaza
qiluvchi organ xodimlari oʻrtasida sportning futbol turi boʻyicha musobaqa
tashkil etildi. Musobaqada tuman IIB, 7532-harbiy qism xizmatchilari, hamda
5-son JIEK xodimlaridan iborat jamoalar gʻoliblik uchun kuch sinashdilar.
Murosasiz va qiziqarli raqiblar uchrashuvida Qorovul qoʻshinlariga qarashli
7532 harbiy qism 3-batalyoni xodimlariga omad kulib boqdi, ular jamoalar
orasida birinchilikni qoʻlga kiritdi. Ikkinchi oʻrin tuman IIB, 3-oʻrin 5-son
JIEK xodimlariga nasib etdi. Gʻolib
jamoalar diplom va pul mukofotlari bilan taqdirlandilar.
Navoiy viloyati IIB Axborot xizmati
