Орамизда ҳалол меҳнат қилиб ризқ топиш ўрнига мўмай даромад топиш учун қонунга хилоф ҳаракатлардан қайтмайдиган айрим фуқаролар учраб турибди. Масалан 1999 йилда туғилган карманалик К.А гиёҳванд моддани сотиш учун хуфя усуллардан фойдаланди. Сигареталар қутисига 4.4 грамм марихуанна солиб сотаётган пайтда Навоий вилояти ИИБ ТҚХ ТҚКБ ходимлари томонидан қўлга олинди.

Яна бир тезкор тадбирда ёшларга ўрнак бўладиган ёшдаги 1967 йилда Хатирчи туманида туғилган С.М  харидорига 250 дона кучли психатроп яъни маст қилувчи дори воситаларини сотаётган пайтда далилий ашёлар билан қўлга олинди.

Аввал ҳам гиёҳванд модда савдоси билан шуғулланиб, жазога тортилган 54 ёшли хатирчилик фуқаро эса қилмишларидан тўғри хулоса чиқармади. Мунтазам олиб борилаётган қидирув-текширув тадбирлари натижасида ўз яшаш ҳовлисида 5 туп каннабис ўсимлигини етиштираётганлиги аниқланди. Бу каби ҳолатлар учраётгани фуқароларни янада хушёрликка, қонунга зид ҳатти-ҳаракатлардан йироқда юришга чақиради. Мазкур ҳолатлар юзасидан ҳозирда тергов ҳаракатлари олиб борилмоқда.

Навоий вилоят ИИБ Ахборот хизмати