12 Октябр 2022 йил
469
Навоий вилоят ИИБ ходимлари ҳамда 7259 ҳарбий қисм хизматчилари донорлик акциясида фаол иштирок этдилар
Вилоятимизда қон заҳираларини яратиш мақсадида қон хизмати муассасаси ҳамда Ички ишлар органлари ходимлари билан ҳамкорликда “Яхшилик акцияси” ташкил этилди. Беғараз донорлик акциясида доимгидек вилоят ИИБ ходимлари фаол иштирок этишди. Шунингдек, шу куни ИИВ Халқаро аэропортларда хавфсизликни таъминлаш қўшинларига қарашли Навоий вилоятида жойлашган 7259 ҳарбий қисм хизматчилари ҳам кўнгилли бўлиб донорлик қилишни мақсад қилдилар.
Донорликка келган барча дастлаб малакали умумий амалиёт шифокори кўригидан ўтдилар. Қон топшириш жараёнидан сўнг шифокорлар томонидан улар истеъмол қилиши керак бўлган маҳсулотлар тўғрисида маълумотлар ҳамда муҳим тавсиялар берилди.
Навоий вилояти ИИБ Ахборот хизмати
