1970-йилда туғилган қизилтепалик С.Ф ҳам тиббиёт соҳасида кўп йиллар ишлаган. Обрўси ортиб юқори тоифалар олган. Аммо бир йил олдин мансабини суистеъмол қилиб бир неча бор оқ халатга доғ туширгани боис, вилоят соғлиқни сақлаш бошқармаси томонидан хайфсан олиб шартли равишда Кармана тумани шошилинч тез тиббий ёрдам кўрсатиш бўлимида навбатчи шифокор лавозимига буюрилганди. “Ўрганган кўнгил, ўртанса қўймас” деганларидек, шифокор аввал ўзи билан бирга ишлаган ҳамшира М.Тни кўриб қолиб иш ўрни тавсия қилди. Гарчи ишга жойлаштиришда ваколати бўлмасада янгидан ишга тушган туғруқхонага танишлари орқали  ишга киритиб қўйишини айтди. Бунинг учун 7 млн сўм пул талаб қилди. Ҳамшира ҳозирги пайтда ишсиз бўлганлиги боис мазкур пулни беришга рози бўлди. Навоий вилояти ИИБ ЖҚБ Коррупция ва иқтисодий жиноятларга қарши курашиш ходимлари томонидан ўтказилган тезкор тадбир натижасида С.Фнинг 7млн сўм пуллар ҳамда М.Тнинг шахсий ҳужжатларини олаётган пайтда қўлга олинди. Айни пайтда терговга қадар текширув ҳаракатлари олиб борилмоқда.

Навоий вилояти ИИБ Ахборот хизмати