25 Август 2022 йил
544
Навоий вилояти ИИБда арзонлаштирилган бозор ярмаркаси ташкил этилди
Навоий вилояти ИИБ бошқармасида ходимларни ижтимоий қўллаб қувватлаш мақсадида арзонлаштирилган бозор ярмаркаси ташкил этилди. Ярмарка расталаридан сарҳил мева ва сабзавотлар, полиз маҳсулотлари, гўшт ва гўшт маҳсулотлари билан бир қаторда мактаб ўқув қуроллари ҳам жой олди.
- Бугун бошқармада ташкил этилган бозор ярмаркаси биз ходимлар учун айни муддао бўлди. Негаки вақтимизни иқтисод қилиб фарзандларимиз учун ҳам ўқув қуролларини сотиб олиш имкониятига эга бўлдик. Айниқса нарх-навоси бизни жуда хурсанд қилди, дейди,- Маънавий-маърифий ишлар ва кадрлар билн таъминлаш хизмати бош инспектори майор Тўймурод Абдуллаев.
Она Ватанимиз мустақиллиги байрами арафасида ташкил этилган арзонлаштирилган ярмарка ходимлар хонадонида тўкин дастурхон тузаш ва байрамни кўтарингки кайфиятда нишонлашга хизмат қилиши шубҳасиз.
Навоий вилояти ИИБ Ахборот хизмати
