Навоий вилояти ИИБда янги номзодлар учун синов имтиҳонлари ўтказилди
Президентимизнинг Олий Мажлисга Мурожаатномасида таъкидланганидек, коррупцияга қарши курашишнинг самарали воситаларидан бири-кадрларни танлаш ва ишга қабул қилишнинг очиқ тизимини йўлга қўйиш муҳим аҳамиятга эга.
Бугунги кунда билимли, ташаббускор ва салоҳиятли ёш мутахассисларни танлаб олиш ва уларни тайёрлашга муҳим эътибор қаратилган бўлиб, 2021 йил 11 ноябрь куни Навоий вилояти ИИБга Йўл ҳаракати хавсизлиги хизматининг сафдор ва сержантлар таркиби номзодларини танлаб олиш учун, Ички ишлар вазирлиги Навоий академик лицейида ИИВнинг 2018 йил 25 сентябрь кунидаги 262-сонли буйруқ талаблари асосида, ишга кириш истагини билдирган номзодлар таклиф этилди. Бунда уларнинг психологик хусусиятларини интеллектуал салоҳиятини, маънавий фазилатларини баҳолаш бўйича очиқ ва ошкора тест синовлари ўтказилди.
Навоий вилояти ИИБ Ахборот хизмати
