25 Август 2022 йил
495
Навоийда 7259 ҳарбий қисмда мустақиллик байрами муносабати билан саф кўриги машғулотлари ўтказилди
Мамлакатимизнинг барча ҳудудларида одатдаги каби Мустақиллик байрамига қизғин тайёргарлик олиб борилмоқда. Ушбу шодиёнага бағишлаб ўтказиладиган маърифий учрашувлар ҳамда очиқ маданий тадбирларни ҳарбийларнинг мусиқали чиқишисиз тасаввур этиб бўлмайди. Мағрур ва шаҳдам қадамлар ила тизилган саф ҳам байрам тадбирига алоҳида шукуҳ бағишлайди. Айни шу мақсадда Навоий вилоятида жойлашган 7259 ҳарбий қисм ҳам тайёргарлик ишларини бошлаб юборди. Хусусан, шахсий таркиб саф кўриги ва саф тайёргарлик машғулотларига алоҳида масъулият билан тайёрланмоқда. Унда ҳарбий хизматчилар сафда туриш ва юриш, қадам ташлаш каби элементларни хатосиз бажарилиши бўйича ўқитилмоқда.
Навоий вилояти ИИБ Ахборот хизмати
