Навоий вилояти ИИБ раҳбарияти ташаббуси билан "8 март – Халқаро хотин-қизлар куни" муносабати билан тантанали байрам дастури ташкил этилди.

      Тадбирда вилоят ИИБ раҳбарияти ҳамда масъул ходимлар, вилоят ички ишлар органлари сафида хизмат қилаётган 400 нафардан ортиқ хотин-қизлар, фахрий аёллар, бир гуруҳ санъат вакиллари ҳамда меҳмонлар иштирок этишди.

   Маросимни вилоят Ички ишлар бошқармаси бошлиғи, полковник Тасбаев Азат Дамирович кириш сўзи билан очиб,  шахсий таркибда йигитлар қаторида елкама-елка бир сафда туриб хизмат қилаётган вилоят ИИО хотин-қизларини, улар орқали ютимиздаги барча аёлларимизни байрам билан самимий муборакбод этди. Машаққатли шу билан бирга шарафли касбларида улкан зафарлар ёр бўлишини тилаб, яна бир бор айём билан қутлади. Шундан сўнг, Ички ишлар вазирининг байрам табриги ўқиб эшиттирилиб, Ички ишлар органларидаги самарали меҳнати, соғлом ва баркамол авлодни вояга етказиш, уларни ватанпарварлик руҳида тарбиялаш ишларига муносиб ҳисса қўшганлиги ҳамда хотин-қизлар куни муносабати билан 10 нафар ходималар ИИВ ва вилоят ИИБ томонидан мукофотланди.  Байрам муносабати билан ташкил этилган мусобақа ғолиблари ҳам бошқарма бошлиғининг эсдалик совғалари билан тақдирландилар. Шунингдек, тантана муносабати билан, 400 нафардан ортиқ аёллар ўз хизмат вазифаларини сидқидилдан бажариб келаётгани, ўзларига юклатилган вазифаларига виждонан ёндашганликлари учун вилоят ИИБ бошлиғининг буйруғига асосан пул мукофоти билан рағбатлантирилди.

Тадбирнинг бадиий қисмида ИИВ оркестри ва пойтахтдан ташриф буюрган меҳмон санъаткорлар ҳамда вилоятнинг кўзга кўринган хонандалари томонидан куйланган куй қўшиқлар кечага ўзгача файз  ва кайфият улашди. Ахборот хизмати томонидан тайёрланган байрам дастури ва махсус видео ролик йиғилганларда ўзгача таассурот қолдирди.

Шу куни барча аёллар ўзларига кўрсатилган эътибор ва эътирофдан мамнун бўлишди.

  Навоий вилояти ИИБ Ахборот хизмати