Навоий вилояти Ички ишлар бошқармасида фаолият кўрсатаётган хотин-қизларни спортнинг оммавий турларига кенг жалб этиш, улар ўртасида соғлом турмуш тарзини тарғиб қилиш мақсадида “8-март Халқаро хотин-қизлар куни” муносабати билан спорт мусобақаси ўтказилди. Соҳа хотин –қизларини жисмонан етук ва баркамол бўлишларига қаратилган тадбирда бошқарма соҳавий хизматларининг “Тўмарис” жамоаси, шаҳар-туман ИИБларининг “Лейтенантлар” жамоаси ҳамда тиббиёт бўлимининг “Авиценна” жамоалари бир-биридан қизиқарли шартларда ўзаро беллашдилар.

Улар югуриш, нишонни аниқ мўлжалга олиш, "ким чаққон" эстафетаси ҳамда арқон тортишда куч синашишди. Беллашув шартларини бажариш давомида хотин-қизлар ўзларини спорт билан мунтазам шуғулланишларини исботлаган ҳолда  топшириқларни қийинчиликларсиз бажаришди. Мусобақа натижаларига кўра иккинчи ўрин вилоят ИИБнинг “Тўмарис” ҳамда ИИБ тиббиёт бўлимининг “Авиценна” жамоаси, фахрли биринчи ўринни эса Навоий шаҳар ИИБнинг “Ёш лейтенантлар” жамоаси қўлга киритди.

Спорт тадбири сўнгида ғолибликни қўлга киритган аёл ходимлар бошқарманинг эсдалик совғалари билан мукофотланди.

Навоий вилояти ИИБ Ахборот хизмати