Ўзбекистон Республикаси ИИВ Навоий академик лицейида 2022 йил 19 февраль куни истеъфодаги генерал-майор Телман Муродхўжаев иштирокида “Уч авлод учрашуви” тадбирлари ўтказилди. Дастлаб, генерал-майор Т.С.Муратходжаев бошчилигидаги бир гуруҳ фахрийлар, Навоий вилояти ИИБ раҳбарияти, шунингдек, ИИВ ҳузуридаги ЖИЭД бешинчи минтақавий ҳудуд Минтақавий мувофиқлаштириш маркази  бошлиғи подполковник И.А.Шеровлар лицейда тантанали кутиб олиниб, лицей ўқувчилари учун яратилган шароитлар, уларнинг таълим, спорт соҳасида эришган  натижалари билан таништирилди. Шундан сўнг, лицей маънавият ва маърифат хонасида лицей ўқувчилари, ўқитувчи педогоглар ҳамда истеъфодаги генерал-майор Т.С.Муратходжаев бошчилигидаги бир гуруҳ фахрийлар, Навоий вилояти ИИБ раҳбарияти,  ЖИЭД бешинчи минтақавий ҳудуд раҳбарияти иштирокида учрашув ўтказилди. Тадбир давомида истеъфодаги генерал-майор Т.С.Муратходжаевнинг ҳаёт йўли бўйича тайёрланган видеоролик намойиш этилди, шунингдек, Телман Салоҳиддиновичнинг маърузалари эшитилди. Учрашувда иштирок этган фахрийлар,  томонидан бугунги кунда ёшларга яратиб берилаётган шароитлар, имкониятлар ҳақида гапириб, ёшларимиз улардан унумли фойдаланган ҳолда илмда, спортда ва бошқа соҳаларда юқори марралар эгаллашлари, келажакда етук мутахассис, ҳақиқий ватанпарвар бўлиб етишишлари ҳамда ҳалқимизга силқидилдан хизмат қилишлари лозимлиги таъкидлаб ўтилди.

Учрашув давомида Навоий академик лицейи таҳсил олаётган аълочи ўқувчилар Солибоев Дилмурод Нурмурод ўғли, Қурбонов Бобомуроджон Зафар ўғли, Аъзамов Фирдавс Орифжон ўғли, Алиқулов Аббос Акбар ўғли, Шарипов Самандар Хусниддин ўғли ва Одилова Динора Азамат қизига истеъфодаги генерал-майор Т.С.Муратходжаев томонидан “Ташаккурнома” ва эсдалик учун китоблар тантанали тарзда топширилди.

Навоий вилояти ИИБ Ахборот хизмати